miércoles, 13 de octubre de 2010

ARCIMBOLDO: RETRATOS CO COTIDIANO
























"VERTUMNO"
O RETRATO DO EMPERADOR
RODOLFO II DE BOHEMIA

Este retrato de Rodolfo II de Bohemia foi realizado por Arcimboldo un artista italiano do Renacemento no século XVI. Era o pintor da corte de Bohemia, por iso retratou a este monarca en moitas ocasións.

Arcimboldo é considerado un pintor un pouco extravagante, xa que os retratos os fai a partir de froitos, verduras, frores e animais.

O emperador Rodolfo aparece nesta pintura na que as súas meixelas son unha mazá e un melocotón, a boca duas cereixas, os cabelos son racimos de uvas, peras, granadas, os brocados da luxosa roupa son frores variadas... Podes intentar distinguilas, é un exercicio divertido.

O autor quixo representar ó rei como unha divinidade romana: a Flora



AS SERIES: "AS ESTACIÓNS" E "OS ELEMENTOS"

Ademáis dos retratos do rei de Bohemia, este artista tan orixinal, realiza series como "As estacións" e "Os elementos".

En "A primavera" utiliza frores de todo tipo (rosas, margaritas, amapolas, dalias, azahar e azucena) formando a bela face dunha muller nova.

En "O verán" son os froitos propios desa época como o melocotón, as cereixas, o allo, pepino, grosellas e guisantes os que conforman o retrato.

En "O inverno" observamos no retratado troncos e ramas secas, e no de "Outono" setas, vides, figos, cabazas, pementos e cebolas.


Moi bonita é a serie dos elementos: Aire, Auga, Terra e Lume

En "Aire" son as aves as que conforman o retrato; en "Auga" son os peixes, corais, moluscos, crustáceos e perlas; en "Lume" aparecen os canóns, trabucos, vela e mistos; en "Terra" son animais como o león, o cordeiro, o cabalo e o xabarín os que compoñen a obra.

Realmente, Arcimboldo foi un gran xenio, non cres?

Isabel

No hay comentarios:

Publicar un comentario