Hora de Ler: Na busca do tesouro de Rande

Estes días, na Hora de Ler, os rapaces de 2º ESO achegáronse a un anaquiño da historia de Galicia de principios do século XVIII.

En 1702, galeóns cargados de ouro e prata procedentes de América, refuxiáronse na Ría de Vigo. A idea era guarecerse dos buques de guerra ingleses que se atopaban no Atlántico á espera de tan rico botín.
Os galeóns fondearon na enseada de San Simón e os seus tripulantes construiron unha gran barreira de paus e cadeas no Estreito de Rande, donde  hoxe localizamos a ponte do mesmo nome.

Os navíos ingleses, sen embargo,  entraron na ría  desencadeándose unha gran batalla. Os galeóns afundíronse na enseada, a excepción do Santo Cristo de Maracaibo, que foi levado polos ingleses cunha gran carga cara á saída da ría rumbo a Inglaterra tras a súa victoria en Rande. O barco, no medio da néboa, afundiuse contra unas rochas xunto as Illas Cíes. O tesouro quedou así afundido para sempre na ría.

A mediados do século XX, uns intrépidos norteamericanos achegáronse a Galicia en busca do tesouro afundido. Tras moitos intentos e inmersións infructuosas, non se atopou nin rastro do ouro e a prata.

O misterio de Rande segue ahí.

Descubrindo a poesía con Carlos Negro

Hoxe estivo compartindo experiencias no IES o escritor Carlos Negro. Os rapaces dos clubs de lectura "Enrédate coa lectura I" e "Enrédate coa lectura II" asistiron na biblioteca a unha forma diferente de ver, ler e sentir a poesía. 
 
A través da lectura e dramatización da súa obra "Maquinaria" os rapaces descubriron  que os temas da poesía poden ser os da vida cotiá," un planeta", como ben dixo o escritor, no que os alumnos están inmersos. Despois, os alumnos participaron nun creativo obradoiro de poesía. 

A Competencia en Comunicación Lingüística. Un proxecto de Centro

O día 1 e 2 de abril celébrase en Santiago as II Xornadas sobre A Competencia en Comunicación Lingüística. Un proxecto de Centro. As cal temos o pracer de asistir como relatores, para compartir en xeral as experiencias dos diferentes Departamentos e en concreto na área de EPV. Como material que acompañe a exposición Cristina Fernández elaborou dúas presentacións que podedes ver a continuación:

A Competencia Lingüística en Educación Plástica e Visual on Prezi

As Competencias Lingüísticas en áreas non Lingüísticas (IES Monterroso) on Prezi