A Biblioteca do IES Monterroso (Lugo) pon en marcha este blog como punto de información e debate sobre a lectura e os libros no centro, dende un curruncho lucense para todo o universo coñecido. Foro aberto e libre, plataforma indispensable do noso Club de Lectura, este blog demostra que non todo está nos libros...
domingo, 26 de enero de 2014
sábado, 25 de enero de 2014
Día da paz: O señor Ibrahim e as flores do Corán
Esta brevísima pero á vez intensa lectura conta a historia dun neno xudeu orfo, Momo, e un tendeiro ancián musulmán, Ibrahim no París dos anos 60. Unha fermosa historia de amizade que trascende as súas respectivas crenzas. Umha tenra historia sobre o multiculturalismo e a tolerancia.
"O señor Ibrahim e as flores do Corán" é unha obra de Eric- Enmanuel Schmitt que foi levada ó cine polo director francés François Dupeyron (2003).
Esta obra é o libro de lectura do club de pais e nais Lector@s da Ulloa. Lembrade que a vindeira reunión é o luns día 27 a partir das 17.30 horas da tardiña.
Etiquetas:
Actividades especiais,
animación á lectura,
club de lectura,
día da paz
martes, 14 de enero de 2014
Libro-estrela: "Os fillos do mar"
Trepidante novela de Pedro Feijoó que ten como escenario a ría de Vigo. O autor enlaza o presente, a historia dun proxecto de restauración dun pazo que se lle encarga ao rapaz protagonista; e o pasado, a historia do tesouro de Rande afundido na ría no século XVIII.
Aventura, misterio e persecucións na ría. Unha novela para todos os públicos.
Este mes "Os fillos de mar" é o libro de lectura do club de pais e nais "Lector@s da Ulloa". Boa lectura a todos.
Etiquetas:
animación á lectura,
aventuras,
club de lectura,
recomendacións
Cadro-estrela: "O matrimonio Arnolfini"
"O matrimonio Arnolfini" é unha obra de Van Eyck, artista que vivíu en Flandes, unha zona de gran importancia mercantil na Baixa Idade Media e na que se consolida o ascenso dun grupo social enriquecido polo comercio: a burguesía.
O cadro é un retrato dunha parella no momento da realización da cerimonia sagrada do matrimonio. Na pintura todos os obxectos teñen un significado en relación co tema do matrimonio. Así, o can que aparece no primeiro plano simboliza a fidelidade; as mazás xunto a ventana teñen relación co pecado orixinal, o ventre abultado da muller refírese á maternidade futura da muller; o cadro sobre a cama representa a Santa Margarita, patroa dos partos; a lámpada cunha luz acea que ilumina a estancia amosa unha unión sagrada por Deus.
O que nos chama máis a atención é o espello que aparece ao fondo e que reflicte a escea nupcial. Representa o triunfo da perspectiva no cadro. Sobre este, a firma do autor e que confirma dalgunha maneira a escea representada: Jan Van Eyck estivo aquí.
Van Eyck xeraliza o emprego do óleo na pintura o que vai permitir o máximo detallismo dos obxectos que aparecen no cadro e acada un nome na historia da pintura universal debido aos logros experimentados na perspectiva e a luz na súa obra.
Ezra Bueno, 2º BAC A
Etiquetas:
animación á lectura,
arte,
cadro estrela,
historia dun cadro,
o cadro da semana
Suscribirse a:
Entradas (Atom)