MÁIS SEMANA DAS LETRAS GALEGAS

 Alumnado de varios cursos está a facer diferentes actividades sobre a figura de Florencio Delgado Gurriarán. Para buscar a información, os rapaces e rapazas visitan a exposición que temos no soto, frente á biblioteca. 

O noso eslogan para este ano é "A festa das nosas letras".

SEMANA DAS LETRAS GALEGAS

 Hoxe iniciamos a conmemoración do Día das Letras Galegas. No recreo tivo lugar un acto organizado polo Equipo de Dinamización Lingüística e o Equipo de Biblioteca. 

Nerea Gómez e Rodrigo Otero, de 4º e 3º de ESO respectivamente, explicaron aspectos da vida e obra de Florencio Delgado Gurriarán. Posteriormente, contamos coa colaboración de Falcatrueiros. Un grupo de alumnas e alumnos que forman parte desa asociación actuou ante todos nós para celebrar a Festa das Nosas Letras.

Os retratos de Florencio Delgado Gurriarán que aparecen no cartel foron feitos por alumnado de Debuxo artístico.

SEMANA DAS LETRAS GALEGAS

Para conmemorar a Semana das Letras Galegas, adicada a María Victoria Moreno, o alumnado de Plástica e de Galego realizaron diferentes traballos que foron expostos no vestíbulo do centro.

Mini e Mero: Trovadores deste século

O pasado mércores estiveron no IES de Monterroso Mini e Mero. Charla e música de novo no Salón de Actos do centro. Os cantantes do inicial grupo "Fuxan os ventos" e despóis integrantes de "A Quenlla" ofrecéronnos unha nova forma de aprender disfrutando. O tema xirou en torno á música de tradición oral baseada nas cantigas medievais. 

Mini e Mero como trovadores deste século.

Letras Galegas 2013: Rosa Cedrón no IES de Monterroso

Este curso para conmemorar  o Día das Letras Galegas estará connosco a artista  Rosa Cedrón.
Rosa Cedrón  é cantante e violonchelista, coñecida por ser a voz do grupo "Luar na lubre". Colaborou con Mike Oldfield no disco Tubular Bells III incrementado a popularidade do grupo galego. A partir de 2005 inicia a súa carreira en solitario co seu disco "Entre dous mares". En 2010 sacou novo disco xunto a artista Cristina Pato.



Con todos nós, o día 16 de maio no IES. Todo un pracer.

Día das Letras Galegas: "O achado do castro"

A tarde do pasado luns día 30 de maio celebrouse o Día das Letras Galegas no centro. Todo o alumnado puido asistir e disfrutar da representación teatral "O achado do castro" do autor Manuel Núñez Singala, a cargo do grupo de teatro de Antas de Ulla. O argumento da obra é o seguinte: Manolitus e Carmiñae son dous rapaces namorados, pero o Emperador, pai de Carmiñae, non consinte tal relación, e tampouco Arpexia, nai de Manolitus, que é a comerciante máis rica do Imperio. Por si fora pouco catro ladroas tentan roubar, sen demasiado éxito, a coroa do Emperador. A todos estes personaxes temos que sumar dúas escravas, unha sabia que non o é tanto, e tres soldados romanos con moi poucas luces. Todo isto da lugar a esta divertida comedia romana.