PARA COMEZAR UN POEMA

Estrada

O indicador decía Con niebla, no se detenga
mais a néboa chegou a ser tan mesta
que detivo coidadosamente o coche.
Botouse fóra, andou uns pasos,
pero un medo lendario fíxoo retroceder.
Non había ruído nin eco
como se todo o existente se esvaera.
Puxo a radio e só escoitou unha música árabe,
que coño, tan ao Norte.
Foi entón cando se viron aquelas siluetas no parabrisas.
Eran vacas,
enormes cabezas con ollos de auganeve.
MANUEL RIVAS