miércoles, 16 de noviembre de 2011

Biblioteca de historia


ESta semana chegaron ás aulas de historia novas lecturas en relación coa materia. Trátase de dúas obras contemporáneas de gran éxito de público, "Persépole" , novela gráfica de Marjane Satrapi, e "Purga" de Sofi Oksanen. Dúas mulleres e dúas grandes obras.

"Persépole" é un relato autobiográfico sobre a infancia da autora en Irán e a súa vida posterior no exilio. Un testemuño histórico dun pobo e dunha época narrada con gran espontaneidade e emotividade que non nos deixa indiferentes.

"Purga" é a emotiva historia de dúas mulleres, unha anciá solitaria que vive nunha afastada rexión báltica e unha rapaza que, vítima do tráfico de mulleres e a explotación sexual, precisa axuda da anciá para non caer nas mans dos seus raptores. O libro amósanos a historia pasada e recente de Estonia, facendo unha crítica os totalitarismos políticos do século XX.

No hay comentarios:

Publicar un comentario