Fin de curso dos clubs de lectura nas Illas Cíes

E para rematar o curso, tras a visita á Editorial Rinoceronte en Cangas do Morrazo, os clubs de lectura "Enrédate coa lectura I e II" e "Lector@s da Ulloa" fixemos unha fermosa excursión ás Illas Cíes.
Esperámosvos o curso que ven con novas lecturas e novas ilusións. Bo verán a todos e a todas! Ata sempre!

Visitando a Editorial Rinoceronte en Cangas do Morrazo

Os clubs de lectura do IES de Monterroso "Enrédate coa lectura I e II" e o club de pais e nais "Lector@s da Ulloa" visitamos a Editorial Rinoceronte en Cangas do Morrazo.
Moisés Barcia explicounos que alí,  ademáis das traducións de obras de moi diversas linguas ó galego, tamén realizan gravacións en estudo dos novidosos audiolibros e traducen e maquetan libros de texto.
Gustounos moito o selo de novela gráfica sushi edicións. Unha visita cultural moi interesante para
este final de curso dos sempre dinámicos clubs de lectura da biblioteca do IES de Monterroso.

"Balzac y la joven costurera china"

Esta obra de Dai Sijie é unha homenaxe á literatura non só como medio de coñecemento senón de ventá cara a plenitude persoal e a liberdade. Os dous adolescentes protagonistas alivian a súa penosa situación na China de Mao a través da lectura, coñecendo así outros mundos. No libro  está presente o tema do amor e  da liberdade.

Para rematar o curso, que mellor forma que lendo sobre libros!

 

A obra foi levada o cine polo propio autor en 2001 recibindo o Globo de Oro á mellor película no ano seguinte. 

Obradoiro da Letra

Estas son unhas imaxes do Obradoiro da Letra, actividade realizada no IES de Monterroso os días 14 e 21 de maio, de 4 a 7 da tarde. Participaron 5 alumnas/os, 4 nais/pais e 4 profesoras/es. Impartiuno Jesús Marúa Juaristi Linacero.

 Descubrimos e practicamos con diferentes útiles de escritura: Cálamo, pluma de ave, estilográfica, lapis de carpinteiro,.... Modulamos letras.... escribimos letras góticas, cancillerescas,....

Descubrimos un mundo fantástico de fermosas letras.

Lector@s da Ulloa: "Balzac y la joven costurera china"

Na derradeira xuntanza do curso, despois de falar do libro lido este mes, “Balzac y la joven costurera china”, e empregando os “RORY`S STORY CUBES”, construimos, entre todos, una historia rememorando algún dos títulos lidos . Este foi o resultado:
 
"Non somos lectores fora do común, pero ler fainos felices.
Axúdanos a construir o Castelo interior da nosa fantasía, pintando de cores a vida, imaxinando situación, chorando cos personaxes, sorrindo se o final é feliz. Cando entramos no túnel do tempo, descubrimos historias olvidadas, miramos polo ollo da pechadura e observamos vidas descoñecidas que coma un raio iluminan a nosa soedade.
Viaxamos a mundos fantásticos, máxicos e tan reales… Cheos de tesouros, de interrogantes, de respostas, de emocións, de pisadas, unas veces lentas e outras apresuradas.
Tendemos pontes entre o noso mundo, a nosa cultura e o descoñecido.
 

Algunha opinións dos nosos lectores:
 
“Creo que nos atopamos a gusto, por eso vimos sempre ás reunión” (Pedro)
 
“Teño a miña liña de lecturas, e as lecturas do club obríganme a ler obras que me sacan des aliña e que non lería se non fora polo club. Ademáis obrígoume a ler obras en galego, lingua na que facía moito tempo que non lía nada” (Olga)
 
“O club de lectura crea adicción, engancha. É coma una droga, estás agardando que chegue o día da xuntanza para falar, compartir, lembrar e revivir o libro que liches ese mes” (Miguel).