Mostrando entradas con la etiqueta club de lectura. Mostrar todas las entradas
Mostrando entradas con la etiqueta club de lectura. Mostrar todas las entradas

miércoles, 9 de noviembre de 2022

CLUBS DE LECTURA

 Xa están en marcha os clubs de lectura do instituto. O alumnado de 2º ESO está a ler  unha obra de Andrea Maceiras titulada O que sei do silencio.

  O alumnado participante nos clubs de lectura recibirá unha bolsa como agasallo.




jueves, 4 de noviembre de 2021

ENRÉDATE COA LECTURA II

    A primeira obra seleccionada neste grupo de lectores de 1º de ESO é El niño que vivía en las estrellas, de Jordi Sierra i Fabra.



   Con esta novela reflexionaremos sobre aspectos formais ou de contido, aspectos que aparecen reflectidos na seguinte ficha de traballo:



martes, 19 de octubre de 2021

          CLUBS DE LECTURA                             CURSO 2021/2022

Botamos a andar os clubs de lectura deste curso. Velaí as lecturas que imos facer en cada grupo, así coma o calendario de xuntanzas. 

Participan 33 alumnos e alumnas da ESO, 4 profesores e profesoras e un grupo de adultos de 11 membros.




jueves, 28 de noviembre de 2019

LECTOR@S DA ULLOA

Neste mes de novembro, no club de lectura "Lector@s da Ulloa" lemos Fóra de si, de Suso de Toro.



Deste libro destacamos sobre todo dous aspectos que nos pareceron máis interesantes:
O protagonista, un home a punto de xubilarse, que vive un momento de crise persoal e profesional que o leva a romper coa súa vida anterior.
O uso de monólogo interior e diálogo, sen que apareza o narrador.

lunes, 14 de octubre de 2019

CLUBS DE LECTURA NO CURSO 2019-20

Empezou o novo curso e, como todos os anos, comezan as lecturas e as reunións dos distintos clubs de lectura que hai no centro.



Invitamos ao alumnado e aos pais e nais a que se anoten nun dos clubs de lectura.





 



martes, 7 de mayo de 2019

UNHA LECTURA INTERESANTE NO MES DE MARZO



Esta novela da escritora canadiense A.S.A. Harrison tivo moi boa acollida no clube de lectura Lector@s da Ulloa.
É unha lectura entretida, que mantén a intriga ata o final, aínda que o crime xa se anuncia dende o inicio da historia.
A vida en parella, a vida conxugal, o amor ilícito e adúltero... están presentados de forma analítica e cun enfoque psicolóxico moi interesante.

lunes, 11 de marzo de 2019

LECTURA DO MES DE FEBREIRO

No club de lectura Lector@s da Ulloa lemos neste mes o libro de Isaac Rosa titulado La mano invisible. Trátase dunha novela moi densa que xira en torno ao mundo do traballo, facendo unha dura crítica a algúns sectores do mundo laboral.
Pareceunos especialmente destacable a monotonía que domina a maioría destes traballos e o empeño que poñen estes personaxes en facer ben o seu labor, aínda sabendo que non ten ningunha utilidade.

jueves, 31 de enero de 2019

LECTURAS DE DECEMBRO E XANEIRO

Durante os meses de decembro e xaneiro no club de lectura Lector@s da Ulloa, lemos dous libros, que comentamos na reunión que se celebrou o martes 26 de xaneiro.



El rey recibe, de Eduardo Mendoza

A opinión case unánime dos membros do club foi que a lectura desta novela resultou un pouco decepcionante, xa que nos pareceu complexa e árida.
O feito de que forme parte dunha triloxía implica que careza de final, deixando o camiño aberto a unha continuación.






O xardineiro dos ingleses, de Marcos Calveiro

Os membros do club de lectura coincidimos en que  a historia de Delia e Miro resulta moi entretida.
Destacamos como se reflicte a pegada dos diferentes acontecementos históricos de principios do século XX na vida do pobo de Vilagarcía.
Igualmente nos sorprendeu como o autor recupera, ao final da narración, a figura do alemán e a súa relación co Cemiterio dos Ingleses.
En definitiva, trátase dunha obra moi recomendable.

martes, 15 de mayo de 2018

LECTOR@S DA ULLOA

  Nos meses de marzo e abril no club de lectura de nais/pais e profesorado lemos dous libros.
     En castelán lemos Más allá del invierno, de Isabel Allende.

 


   En xeral, o que nos resultou máis interesante foi a historia pasada dos protagonistas, que van recordando a súa vida ao tempo que na actualidade viven unha aventura cando o azar os reúne aos tres. O que máis sobresae dese pasado é a violencia que marca a súa existencia e a historia de moitos países de América Latina.
   É unha novela que resulta fácil de ler, pero en xeral coincidimos en que preferimos as primeiras obras de Isabel Allende, como La casa de los espíritus, Eva Luna ou De amor y de sombra...
   A lectura desta novela orixinou un interesante debate sobre o azar, sobre a causalidade e a casualidade.






                                                                  En galego lemos Anagnórise, de María Victoria Moreno.

  




   Esta novela servíu para que moitos de nós coñecésemos a esta escritora á que se lle adica o Día das Letras Galegas neste ano 2018.
    Destacamos desta obra como o protagonista se vai descubrindo a si mesmo ao longo da viaxe que emprende en autostop cara Madrid. Este descubrimento é posible grazas á muller que o recolle no seu coche, que constantemente lle lanzaba "dardos" para facelo reaccionar.
     

jueves, 1 de febrero de 2018

LIBROS NO MES DE XANEIRO

Nos meses de decembro e xaneiro no club de lectura Lector@s da Ulloa léronse dúas novelas moi diferentes, unha en galego e outra en castelán.

O anxo negro, de Manuel Gago.


Trátase dunha novela de intriga que plantexa o tema do roubo de obras de arte relixiosa en Galicia. Está ambientada nos anos 80 na Costa da Morte fundamentalmente.
O autor amosa un gran coñecemento da cultura popular galega e consigue engaiolar ao lector nesa buca da roubada Santa Mariña.
Unha frase pode servir para caracterizar esta obra: "Co sentimento relixioso dos galegos non se xoga".





El silencio de la ciudad blanca, de Eva Gª Sáenz de Urturi

De novo se trata dunha novela de intriga que atrapa ao lector/a dende o primeiro momento. Está ambientada en Vitoria, onde se vai producindo unha serie de crímenes de tipo ritual.
Aínda que é unha novela negra "comercial", de lectura moi doada, mantén o interese gracias ao seu ritmo rápido, de thriller, e aos constantes cambios  na trama. 

jueves, 28 de diciembre de 2017

ENRÉDATE COA LECTURA



   O alumnado do club de lectura "Enrédate coa lectura" de 3º de ESO vén de ler unha antoloxía de relatos titulada Ninguén está só. 21 autores a prol dos dereitos humanos.
Inclúe contos de escritores como Fran Alonso, Paula Carballeira, Fina Casalderrey, Agustín Fernández Paz, Jaureguizar, Paco Martín, Antonio Reigosa, Helena Villar Janeiro, entre outros.
   Un dos relatos que máis impactou aos rapaces e rapazas é "Barbazul", de Paula Carballeira.
   Para completar a lectura, e tomando esta obra como punto de partida, o alumnado buscou exemplos de poemas solidarios en diferentes linguas.

miércoles, 21 de junio de 2017

INTERCAMBIO CO IES "ENRIQUE MURUAIS" DE A PONTENOVA



CRÓNICA DUN INTERCAMBIO

23/05/2017. Desprazamento á Pontenova do alumnado dos clubs de lectura do IES de Monterroso. Presentación ó alumnado de Monterroso do máis suliantable da comarca: Arte, festas, cultura, economía…Encontro, diálogo, intercambio de opinión e experiencias con Sabela Núñez Singala, profesora no centro, e autora do libro O agasallo de Anya, libro que leramos nos clubs de lectura de ambos centros. Ruta de senderismo á carón do río Eo e xantar compartido na área de Saldoira. Visita ó Museo da Pesca e ós Fornos da minería do século pasado.
01/06/2017. Visita do alumnado dos clubs de lectura do IES de a Pontenova a Monterroso. Presentación por parte do alumnado de Monterroso ós seus visitantes do máis característico da comarca (Antas e Monterroso): Arte, historia, cultura, festas, deporte, economía,….. Visita á empresa Alibós, de elaboración e transformación de castañas. Percorrido da ruta de senderismo “a pena do corvo”, que nos levou á presa de cría de troitas para repoñer no coto intensivo da Ulloa, e á área recreativa de A Peneda, onde compartimos o xantar. Visita ó Castelo de Pambre, en Palas de Rei.




viernes, 2 de diciembre de 2016

ZAPATILLAS ROTAS

Lector@as da Ulloa, o club de lectura de adultos do IES de Monterroso tivemos a primeira xuntanza do curso. Falamos das miserias e debilidades da nosa sociedade ó fío de Zapatillas Rotas de Xabier Quiroga.Manolo, Pedro, Maricarmen, Filo, Asun, Olga, Maricarmen, María....o que está detras da cámara e alguén que faltaba.
A vindeira xuntanza é o 31 de xaneiro. E ata daquela temos un par de libros para ler: La Catedral del Mar de Ildefonso Falcones e Cabalos e Lobos de Fran P. Lorenzo

martes, 8 de noviembre de 2016

APERTURA DO PANO DOS CLUBES DE LECTURA

Arrancamos cos Clubes de Lectura do curso 2016-17. No Club "Enrédate coa Lectura", este curso contamos con dous grupos de 1º e 2º de ESO, de 10 e 5 membros; e un grupo de 3º/4º de ESO, de 11 membros. O grupo de adultos, "Lector@as da Ulloa", formado por nais/pais/profesorado e personal non docente, con 13 membros.
Velaí as imaxes da 1ª xuntanza (só dous grupos inmortalizaron o momento. Na seguinte xuntanza subiremos ós outros)

O plan de lectura destes grupos é o seguinte:
Os grupos de 1º/2º de ESO leran estas obras.
 El asesinato de la profesora de lengua. Jordi Sierra i Fabra

Cartas de inverno. Agustín Fernández Paz
Manolito Gafotas. Elvira Lindo
Escarlatina a cociñeira defunta. Ledicia Costas
Unha cabana na lúa. Jauréguizar
O carteiro de Bagdad. Marcos Sánchez Calveiro

O grupo de 3º/4º lerá
 Penúltimas tendencias. Carlos Negro

O centro do labirinto. Agustín Fernández Paz
Europa express. Andrea Maceiras
El manuscrito de piedra. Luis García Jambrina
La llave de Sarah. Tatiana de Rosnay
El hijo del pintor. Marinella Terzi

E o grupo de adultos disfrutrá da lectura de
  As rapazas de Xan. Manuel Iglesias Turnes

 Cabalos e lobos. Fran Lorenzo
 La delicadeza. David Foenkinos
Intempérie. Jesús Carrasco
La nieta del señor Linh. Philippe Claudel
Zapatillas rotas.  Xabier Quiroga
Reservas: La traductora. Leila Aboulela. La catedral del mar. Ildefonso Falcones

miércoles, 22 de junio de 2016

E fomos a Santiago de Compostela

Os integrantes (non todos), dos clubs de lectura de 1º e 2º de ESO, xunto cos do IES do Camiño de Palas de Rei, o 18 de maio, fomos a Santiago de Compostela. Visitamos o Museo da Pedagoxía de Galicia e logo tivemos unha interesante actividade con libros na Librería Aenea.




miércoles, 25 de noviembre de 2015

Lector@s da Ulloa

O MALETÍN DO MESTRE de Hiromi Kawakami
O club de lectura de adultos, "Lector@s da Ulloa", comezou a súa andaina deste curso, con anovadas ilusións e con novas incorporacións, !xa somos 15!.
Empezamos con unha fermosísima historia de amor. Tsukiko, unha solitaria muller de 38 anos, vaise namorando do seu vello profesor de xaponés, Matsumoto, viuvo, ó que chama o  mestre. Tras varios encontros, máis ou menos casuais, aderezados con saborosas delicias gastronómicas xaponesas e groliños de sake, xorde o amor, malia diferencia de idade.
Pero non é unha historia de amor máis. É unha historia de amor moi simple ("Sentíame feliz ó seu lado. Eso era todo"); unha historia de amor na que todo ocorre "por casualidade"; na que os encontros entre os namorados carecen de contido preciso pero transfórmanos en significativos acontecementos; o amor que Tsukiko sente polo seu mestre non é un amor platónico de xuventude, senon un amor auténtico, real; non está con él porque se sinta sola ou porque non teña outra opción (a aparición dun antigo pretendente de xuventude e o seu rexeitamento son a xustificación da autenticidade do amor que sente polo seu mestre), está con él porque está realmente namorada.
Na novela hai numerosas referencias poéticas relacionadas cos haikus (poemas tradicionais xaponeses de tres versos, sen rima, de 5, 7 e 5 sílabas, respectivamente; e fan referencia a esceas da natureza ou da vida cotidiana). Algúns dos membros do grupo atrevémonos a compoñer un haiku ó rematar a reunión.

Dame un bico                                                   Do maletín so
aloumiña meu corpo                                         follas no firmamento
brinda con sake                                                 sentir o vento
         (Asunción Casas)                                                      (Ana Vila)

Comezamos con                                                Sol, mar, salitre
o maletín do mestre                                           vento tolo do nordés
o andar do club                                                  miña serea
       (Filomea Ocampo)                                                    (Miguel Rico)

Mª del Carmen Pleger, Mª Carmen Gómez, Pedro del Rio, José Luis Fernández, Noelia Serrano, Filomena Ocampo, Manolo Vilar, Asunción Casas, Mª Soledad García, María Fuertes, Ana Vila.... E non aparecen na foto Olga Bruzos, Mª Carmen Varela, Carmen Sarmiento (a esa mesma hora tiñan que "tocar noutra praza"). E un servidor, Miguel Rico (alguén tiña que sacar a foto)

Próximaas lecturas (dous libros, para recuperar o tempo perdido): 
Arráncame la Vida de Ángeles Mastretta e El libro de los Abrazos de Edurado Galeano.

jueves, 12 de noviembre de 2015

ENRÉDATE COA LECTURA

Comezamos un novo curso. Os grupos do Club de Lectura "Enrédate coa Lectura" do IES de Monterroso tivemos a semana pasada a primeira xuntanza deste curso. Somos tres grupos de 1º e 2º de ESO (30 en total) e dous grupos de 3º e 4º de ESO (21 en toal). Coordinados por catro profesoras/es.
Durante este curso os grupos de 1º e 2º de ESO imos ler estas obras:
                                1. Nata y chocolate. Alicia Borrás Sanjurjo
2.  Rapazas. Agustín Fernández Paz
3.  El niño con el pijama de rayas // O neno do pixama a raias. John Boyne
4.  Estás na lúa. Carmen Montalbán
5.  La música del viento. Jordi Sierra i Fabra
6.  A illa de todas as illas. Xabier P. Docampo

Nos grupos de 3º e 4º as obras que imos ler son:
 1.    O único que queda é o amor. Agustín Fernández Paz

2.    El extraño. Jordi Sierra i Fabra
3.    Un viejo que leía novelas de amor. Luis Sepúlveda
4.    O corazón de Xúpiter. Ledicia Costas
5.    A pomba e o degolado. Fina Casalderrey
6.    La ciudad de las bestias. Isabel Allende


Tamén temos un Club de adultos (nais, pais, profesorado...), "Lector@s da Ulloa". O 24 de novembro teremos a primeira xuntanza para falar de O maletín do mestre. Hiromi Kawakami . Ademáis este curso imos ler:


1.    Herba moura. Teresa Moure
2.    El libro de los abrazos. Eduardo Galeano
3.    Arráncame la vida. Ángeles Masttreta
4.    Dende o conflito. María Reimóndez
5.    Galván en Saor. Darío Xohán Cabana
                  6. Un saco de canicas. Joseph Joffo