Mostrando entradas con la etiqueta cineforum. Mostrar todas las entradas
Mostrando entradas con la etiqueta cineforum. Mostrar todas las entradas

miércoles, 7 de mayo de 2014

Cine na titoría de 2º ESO: "Los chicos del coro"



O pasado luns, no horario da titoría de 2º ESO, proxectouse na Biblioteca do IES de Monterroso, a película francesa de 2004 dirigida por Christopher Barratier "Los chicos del coro" ("Les choristes")
Foi unha sesión de cine interdisciplinar xa que tomaron parte no Proxecto as materias de
Francés, Música, Xeografía e Hª, ademáis da Titoría e o Equipo de Biblioteca. A actividade foi levada a cabo polas profesoras Ana de Azevedo (Francés e Música) e Isabel González (Xeografía e Hª) e dirixida ao alumnado de 2º ESO A e B no horario no que coinciden as Titorías (Luns pola tarde).

Os obxectivos da actividade de cine foron os seguintes:
 
-         - Recoñecer palabras e expresións en francés

-         - Desenvolver o gusto musical e a sensibilidade artística

-         - Disfrutar compartindo momentos de ocio a través do cine

-         - Reflexionar sobre a historia e a educación




As actividades que se levaron a cabo foron:




-         - Reparto da letra dos temas musicais da película: en francés e español

-         - Proxección da película en español cos subtítulos das cancións en francés.

-         - Contexto histórico no que se desenvolve a película

-         - A educación na época na que se desenvolve a película e a educación hoxe. Reflexión sobre a historia da educación

-         - Comentar as escenas que nos gustaron máis.


Cando é a próxima?



martes, 8 de abril de 2014

Cineforum: "Ágora"


Na tarde de onte os alumnos de 2º ESO asistiron a unha sesión de Cineforum na biblioteca do IES de Monterroso. Erica Gayoso,  Lidia Lemos e  Lara Santoalla presentaron o filme dirixido polo director español Alejandro Amenábar.
Antía Pereiro, Martín Rivas e Brandan Martínez foron os encargados de dirixir o debate tras o remate da película cos espectadores.

Esta actividade representa o remate da conmemoración do Día da muller. Os rapaces escolleron este filme entre outros que amosaban o papel da muller en ámbitos moi variados. 

Hipatia de Alexandría é  a personaxe principal de"Agora". É filósofa, astrónoma e matemática nun mundo dominado polos homes. A sabiduría, a intolerancia e o amor son os temas principais desta película cuxa acción se sitúa na cidade de Alexandría


lunes, 22 de abril de 2013

Cineforum no IES de Monterroso:"Náufrago"



O pasado xoves compartimos unha interesante velada na biblioteca do IES de Monterroso. O filme "Náufrago", presentado por Lidia Lemos, Antía Montes e Sheyla Moscoso, alumnas de 1º ESO B, deu lugar a un interesante debate sobre o instinto de supervivencia, os valores e  o amor.



jueves, 11 de abril de 2013

Cineforum: "Náufrago"


O vindeiro xoves 18 de abril á partir das 17.30 h temos unha nova cita na Biblioteca do IES de Monterroso. Os alumnos de 1º ESO presentan a película "Náufrago". Unha historia de supervivencia a través do Robinson moderno protagonizada por Tom Hanks.

jueves, 17 de enero de 2013

Cine na biblioteca do IES de Monterroso



 Aínda que esperabamos unha maior afluencia de público, agradecemos enormemente a asistencia de pais, alumnos e profesores que disfrutaron do filme "14 Kilómetros" na Biblioteca do centro.



A película fíxonos reflexionar sobre o longuísimo e durísimo camiño que milleiros de africanos percorren para cruzar o Estreito de Xibraltar e chegar a Europa donde teñen a esperanza de atopar unha vida mellor. Nós coñecemos imaxes e cifras de inmigración clandestina que chega exhausta nos caiucos, agora ben; podíamos imaxinarnos ese sufrimento a través do deserto? Seguramente non. O filme do director cordobés Gerardo Olivares nos achega ese mundo descoñecido para nós.


"14 Kilómetros" amósanos tamén o amor e a amizade a través dunha fermosa fotografía.