lunes, 9 de julio de 2012

A historia no cine: "14 kilómetros"




Magnífica película dirixida por Gerardo Olivares e estreada en 2007. 14 Kilómetros son os que separan ó continente africano de Europa. Con Violeta, Buba e Mukela percorremos a longa e perigosa viaxe a través do deserto do Sahara para coñecer o que hai detrás do que nos amosan os medios de comunicación. Todos vemos as imaxes da chegada de pateras ata as costas de Canarias e de Cádiz, sen embargo descoñecemos o drama inmenso que hai detrás. Este filme nos transmite todo ese drama que ten como obxectivo a busca dun sono: escapar da pobreza e da fame para intentar chegar a un mundo mellor. 
Esta película formou parte do traballo sobre o Terceiro Mundo realizado na materia de Hª Contemporánea e exposto por Tamara Vázquez, Sandra Núñez e María Rico.

A historia no cine: "Good bye Lenin"



Película do ano 2003 dirixida por W. Becker que amosa a caida do muro de Berlín e a reunificación alemaña cunha mestura de drama e humor. En 1989, antes da caida do muro, a nai de älex, orgullosa socialista, entra en coma. Cando esperta, meses despois, o seu fillo fará todo o posible para que a súa nai non descubra os grandes cambios que tiveron lugar a; a caida do muro, o fin da RDA e  a renificación nunha Alemaña capitalista.
Esta película formou parte do traballo sobre "A caida do mundo comunista" exposto na biblioteca polos alumnos de 1º BAC; Paula Fernández, Cristina Rojo, SAndra Gómez e Martín Mejuto

A historia no cine: "Invictus"





"Invictus" é un filme dirixido por Clint Eastwood en 2009 e protagonizado por Morgan Freeman no papel de Nelson Mandela. Tras o final do Apartheid, o novo presidente do país e figura de primeiro orde contra a política de segregación, Nelson Mandela, trata de acadar a convivencia e a reconciliación de brancos e negros a través do Mundial de rugby celebrado en Sudáfrica en 1995. A victoria de Sudáfrica na Copa Mundial  convírtese no medio para acadar unha cohesión pacífica grazas o deporte.
Apartheid significa separación. Aparece en 1944 para designar a política de segregación racial e da organización territorial aplicadas en África Sur, un estado multirracial, ata 1990. O obxectivo era separar as razas no terreo xurídico establecendo unha xerarquía na que a raza branca dominaba o resto. A poboación negra estaba privada da cidadanía e dos dereitos civís e políticos. O principio do fin do Apartheid tivo lugar co presidente branco De Klerk en 1991. A poboación negra recuperaba así os seus dereitos. O proceso culminou coa chegada de Nelson Mandela á presidencia do país.  tras vintesete anos de cárcere. 
A película amósanos a complexa situación tras o fin do apartheid en Sudáfrica e a política de reconciliación nacional que fomentou Mandela. 
Este filme formou parte da exposición do tema "A descolonización" realizado por Alba González, Dana García, Álex Vázquez e Javier García para a materia de Hª Contemporánea de 1º BAC. O traballo foi exposto na biblioteca do centro donde podemos atopar esta película.

viernes, 25 de mayo de 2012

Club de pais "Lector@s da Ulloa": "Mil soles espléndidos"



O vindeiro xoves día 31 de maio "Lector@s da Ulloa" reúnese por última vez neste curso que xa remata. A charla e debate xirará en torno á novela do afgano Khaled Hosseini "Mil soles espléndidos".

Segunda novela de Khaled Hosseini, autor de "Cometas en el cielo". "Mil soles espléndidos" ó igual que a primeira xa se convertíu nun gran éxito de ventas. Esta novela do autor afgano-estadounidense narra a historia de amizade entre duas mulleres de orixes diversas cuxos destinos crúzanse polo azar. De fondo, a historia convulsa de Afganistán nos últimos trinta anos.

Khaled Hosseini é medico e novelista. O seu país natal é Afganistán pero a súa familia exiliouse a EEUU donde él estudiou e está afincado desde a invasión soviética en 1979. Publicou en 2003 "Cometas en el cielo", a historia de amizade entre dous nenos e en 2007 sorprendeunos con outra historia de amizade, esta vez entre duas mulleres en "Mil soles espléndidos", obras que xa se convertiron en bestsellers. As súas obras desenvólvense no seu país natal, e supoñen un canto cara a igualdade e a consecución dos dereitos humanos en Afganistán. Sen dúbida, un autor comprometido.

Día das Letras Galegas: Valentín Paz Andrade


Este ano as Letras Galegas rememoran a Valentín Paz Andrade (1898-1987), xurista, político e escritor pontevedrés. Pertenceu ao movemento galeguista nos seus inicios, sendo director do periódico "Galicia" pechado nos anos 20 polo dictador Primo de Rivera. Presidíu o grupo autonomista galego, núcleo do galeguismo en Vigo. Escribíu ensaios literarios, históricos e económicos, sempre amosando preocupación polo avance e progreso de Galicia. Colaborou en "Pueblo Gallego", sendo detido en varias ocasións durante a dictadura franquista pola súa ideoloxía política. Como poeta, pertenceu á Xeración de 1925, destacando a súas obras "Sementeira do vento" e "Cartafol de homenaxe a Otero Pedraio". Asimesmo impulsou ó grupo industrial "Pescanova" en Vigo.